“बेटी बचाओ, बेटी पढाओ” हे भारत सरकारचे महत्त्वाचे अभियान असून याचा उद्देश मुलींच्या जन्माचे प्रमाण ( लिंग गुणोत्तर ) सुधारणे, त्यांना समान दर्जा मिळवून देणे, शिक्षणाच्या संधी उपलब्ध करून देणे आणि सुरक्षितता सुनिश्चित करणे हा आहे. ही योजना विशेषतः त्या जिल्ह्यांमध्ये प्रभावीपणे राबविली जाते, जिथे मुलींचा जन्मदर अपेक्षेपेक्षा कमी आहे. एकात्मिक बाल विकास सेवा योजनेमार्फत समाजात मुलींबाबत सकारात्मक दृष्टीकोन निर्माण करण्यासाठी विविध जनजागृती उपक्रम आणि कृतीशील कार्यक्रम राबविले जातात.